La vida es juego trae ó formato impreso unha espectacular coprodución da Compañía Nacional de Teatro Clásico e Ultramarinos de Lucas que versiona coñecidos textos clásicos do Século de Ouro: «Loa del comediante», de Lope de Vega; «El retablo de las maravillas», de Miguel de Cervantes; «La tierra de Jauja» e «La carátula», de Lope de Rueda; «La vida es sueño», de Calderón de la Barca; e unha loa anónima. Trátase de entremeses, un xénero propio do teatro español que se caracteriza pola brevidade, o humor e a sorpresa, os personaxes inquedos e o dinamismo sobre o escenario entre máscaras, música e coreografía. O resultado é unha grande festa escénica protagonizada por dúas vellas actrices e dous vellos actores que, dende unha residencia, reviven o seu glorioso pasado sobre as táboas. A modo de fantasmas procedentes do século XVI establecen, xunto o seu coidador, un xogo cómico entre a lucidez e a tolemia, o onte e o hoxe, a realidade e a ficción, dende unha ollada contemporánea que adaptou a linguaxe e as situacions de antano ó contexto actual, sen perder a esencia da tradición. Na interación co público radica a comunicación entre dous mundos -a vellez e a infancia- que “se tocan, se atopan, se recoñecen e se acariñan”.

1º-2º ESO

3º-4º ESO