Li Bai (701-762), un dos poetas máis famosos e apreciados da prolífica dinastía Tang (618-907), é tamén, actualmente, o poeta chinés máis coñecido e traducido tanto no mundo hispánico como nunha gran parte do resto de Occidente. Os seus memorables poemas cativaron a moitos dos nosos poetas, desde Rubén Darío a Gary Snyder, pasando por Ezra Pound e Octavio Paz, así como a varias xeracións de lectores de case todos os recunchos do mundo. Autor de textos musicais e imaxinativos, nos que o mundo humano e a natureza son indisociables, defendeu unha poesía que cantase as emocións humanas, a fugacidade da vida e a beleza do mundo.

Esta edición bilingüe presenta unha selección de cento corenta e oito poemas, entre os que se contan moitas das composicións coas que Li Bai gañou, para os lectores chineses, o alcume de «O Inmortal da poesía» e que o elevaron ás cimas do panteón poético xunto con outros autores clásicos como o seu íntimo amigo Du Fu, Wang Wei ou Bai Juyi.

1º-2º BAC

Formación Profesional